შრი ლანკის კუნძული წარმოადგენს მსოფლიოში ერთ-ერთ ყველაზე დიდ ჩაის მწარმოებელ ადგილს, ჩაის პროდუქციის 11% მზადდება შრი ლანკაში. ცეილონის ჩაი ცნობილია თავისი ნატურალური არომატით, მაღალი ხარისხით და ოქროსფერი ელფერით. შოტლანდიელმა მეზღვაურმა, ჯეიმს ტეილორმა 1867 წელს პირველად დაიწყო ჩაის მოყვანა ამ კუნძულზე.
დღესდღეისობით ჩაის პლანტაციები გაშენებულია ამაღლებულ მთიან ადგილებზე, სადაც ჩაის კრეფა ხდება ხელით, იმისთვის რომ მხოლოდ რჩეული ფოთლები იქნეს მოკრეფილი.
კუნძული აწარმოებს ჩაის სამ კატეგორიას, დაბალი საშუალო და მაღალი, იმის მიხედვით თუ რა გეოგრაფიულ ადგილას არის პლანტაცია გაშენებული.
ჰაისონის ჩაის კონცეფცია შემდეგნაირია: ჩვენ გვჯერა რომ სიდიდე არ განისაზღვრება ტონებით, ან შემოსავლით, არამედ ჩაის ფოთლებით.
ჰაისონი თავის მომხმარებელს სთავაზობს ნაზავების ფართო ასორტიმენტს, დაკვირვებით ამორჩეულ ჩაის ფოთლებს, იმისთვის რომ დააკმაყოფილონ ჩაის მოყვარულების მოთხოვნები. ყველა ნაზავი ექსკლუზიურად მზადდება ჩაის სპეციალისტების მიერ საიდუმლო რეცეპტით რომელიც კარგად არის დაცული.
ჰაისონი ყოველთვის ანახლებს თავის პროდუქციას იმისთვის რომ დააკმაყოფილოს ჩაის მოყვარულები.
ევროკავშირის ბიო-ლოგო
ევროკავშირის ორგანული საკვების ლოგო მყიდველს მის მიერ მოხმარებული საკვებისა და სასმელის წარმოშობისა და ხარისხის სანდოობის გარანტიას აძლევს, ხოლო ამ ლოგოს არსებობა რომელიმე საკვებ პროდუქტზე ევროკავშირის ორგანული სოფლის მეურნეობის რეგულირებასთან შესაბამისობის დამადასტურებელი ფაქტია.
2010 წლის ივლისიდან ევროკავშირის ორგანული საკვების ლოგოს მითითება სავალდებულოდ ითვლება ევროკავშირის ფარგლებში ყველა ტიპის დაფასოებული ორგანული საკვები პროდუქტისთვის. ამ ლოგოს ნებაყოფლობითი გამოყენება ასევე შესაძლებელია დაუფასოებელი ორგანული საქონლის შემთხვევაში, რომელიც იწარმოება ევროკავშირის ტერიტორიაზე ან შემოდის იმპორტის სახით მესამე მსოფლიოს ქვეყნებიდან.
ევროკავშირის ორგანული საკვების ლოგოთი სერტიფიცირებული საკვები პროდუქტები უნდა აკმაყოფილებდეს შემდეგ კრიტერიუმებს;
პროდუქტში შემავალი სასოფლო სამეურნეო წარმოშობის ინგრედიენტები უნდა იყოს ორგანული წარმოშობის;
პროდუქტი უნდა ემორჩილებოდეს ოფიციალური ინსპექტირების წესებს;
დაბეჭდილ შეფუთვაში დაფასოებული პროდუქტის მიწოდებას უნდა აწარმოებდეს უშუალოდ მწარმოებელი ან დამამზადებლი;
პროდუქტზე მითითებული უნდა იყოს მწარმოებლის, დამამაზადებლის ან მფლობელის სახელი და აგრეთვე ინსპექტირების განმახორციელებელი ორგანიზაციის სახელი ან კოდი.
ორგანული სოფლის მეურნეობა ემყარება გარკვეულ პრინციპებს, რომელთა მიზანიცაა ადამიანის გარემოზე ზემოქმედების მაქსიმალური შემცირება და სოფლის მეურნეობის სისტემის შეძლებისდაგვარად ბუნებრივი მეთოდებით მუშაობის უზრუნველყოფა.
იმისათვის, რომ პროდუქტი აკმაყოფილებდეს ორგანულის მოთხოვნებს, მისი წარმოება შემდეგი კრიტერიუმების დაცვით უნდა ხდებოდეს:
მაქსიმალურად ფართო თესლბრუნვა, რაც ადგილობრივი რესურსების ეფექტური გამოყენების წინაპირობას წარმოადგენს.
სინთეზური პესტიციდებისა და სინთეზური სასუქის, ანტიბიოტიკების, საკვები დანამატების, წარმოების დამხამრე პროცესების გამოყენების მკაცრი შეზღუდვა.
გენეტიკურად მოდიფიცირებული კომპონენტების გამოყენების აბსოლუტური აკრძალვა.
უპირატესობის მინიჭება ადგილობრივი რესურსებისთვის, მაგალითად, სასუქის სახით ნაკელის გამოყენება
მცენარეებისა და ცხოველების ისეთი სახეობების გადარჩევა, რომლებიც დაავადებებისადმი რეზისტენტულია და ადაპტირებულია ადგილობრივი პირობების მიმართ.
პირუტყვისა და ფრინველის გაზრდა თავისუფალ სივრცეში და მათთვის საკვების სახით ორგანული ფურაჟის გამოყენება.
ორგანული სოფლის მეურნეობა ამავე დროს წარმოადგენს უფრო ფართო ჯაჭვის ნაწილს, რომელიც მოიცავს საკვების წარმოებას, დისტრიბუციისა და საცალო ვაჭრობის სექტორს და რა თქმა უნდა, ცალკეულ მომხმარებელს. თითოეული რგოლი ამ ჯაჭვში მნიშვნელოვან როლს ასრულებს ორგანული საკვების წარმოებასთან ასოცირებულ სარგებელში ისეთ სფეროებში როგორიცაა:
გარემოს დაცვა
ცხოველთა კეთილდღეობა
მომხმარებლის ნდობა
საზოგადოება და ეკონომიკა.
ევროკავშირის ყველა წევრ ქვეყნაში არსებობს ინსპექტირების დადგენილი სისტემა და საზოგადოებრივი ორგანიზაციების და/ან სერთიფიცირებული კერძო კომპანიების ერთობლიობა, რომელთა ფუნქციაც ორგანული პროდუქციის ინსპექტირება და სერთიფიცირებაა. იმ შემთხვევაში, თუ ოპერატორი არ აკმაყოფილებს ყველა ზემოთ ჩამოთვლილ მოთხოვნას, მას ჩამოერთმევა ორგანული საკვების სერტიფიკატი და აღარ შეეძლება საკუთარი პროდუქციის გაყიდვა ბაზარზე ორგანულის სახელით.
ამდენად ყოველთვის, როდესაც მომხმარებელი იძენს ორგანულ ვაშლს ადგილობრივ სუპერმარკეტში ან საყვარელ რესტორანში ირჩევს ორგანული ყურძნისგან დამზადებულ ღვინოს, ის შეიძლება დარწმუნებული იყოს, რომ ეს პროდუქტები იმ მკაცრი წესების დაცვითაა დამზადებული, რომელთა მიზანსაც ცხოველთა და გარემოს პატივისცემა წარმოადგენს
გმო-ს გარეშე
GMO ნიშნავს „გენმოდიფიცირებულ ორგანიზმს“, რომელიც არის ახალი ორგანიზმი, და რომელიც შეიქმნა მეცნიერების მიერ გენეტიკური ინფორმაციის მოდიფიკაციით. გენმოდიფიცირებული პროდუქტების გამოყენებისას იზრდება ჯანმრთელობის და გარემოს დაბინძურების რისკები. არა გენმოდიფიცირებული პროდუქტებია , ისინი რომლებიც არ შეიცავენ გენმოდიფიცირებულ ორგანიზმებს.
BRC
BRC სტანდარტი არის მსოფლიოს წამყვანი უსაფრთხოების და ხარისხის სერტიფიცირების პროფრამა, რომელსაც მოიხმარს 23 000 ზე მეტი სერტიფიცირებული მომმარაგებელი 123 ქვეყანაში, სერტიფიკატი იბეჭდება სერტიფიცირების ორგანოების საერთაშორისო კავშირის მიერ. სტანდარტი გარანტიას იძლევა რომ ხარისხის სტანდარტიზაცია, უსაფრთხოება და ოპერაციების კრიტერიუმი აკმაყოფილებს კანონიერ ვალდებულებებს, რომელიც გულისხმობს მომხმარებლის დაცვას. BRG ს გლობალური სტანდარტი, დღესდღეისობით არის წამყვანი გადამყიდველების ფუნდამენტური მოთხოვნილება .
Food Safety Systems
საჭმლის უსაფრთხოება არის გლობალური იდეა, გამოწვეული არა მარტო საზოგადოებრივი ჯანმრთელობის მნიშვნელობიდან, არამედ საერთაშორისო ვაჭრობის გავლენიდან. საჭმლის წარმოების გლობალიზაციამ, გამოიწვია წარმოებითი ჯაჭვის გაზრდა. ეფექტურმა და ჰარმონიულმა საჭმლის უსაფრთხოების სისტემამ უნდა უზრუნველყოს პროდუქტის სისუფთავე და უსაფრთხოება, წარმოების ჯაჭვის ნებისმიერ ეტაპზე, ამის გამო ISO მ შექმნა ახალი სტანდარტი ISO 22000, რომელიც ეხება ყველა ორგანიზაციას რომლებსაც შეხება აქვთ საჭმლის წარმოებასთან.
Halal
ჰალალი არის არაბული სიტყვა, რომელიც ნიშნავს: კანონით დაშვებულს, საჭმელთან მიმართებაში, ეს არის დიეტის სტანდარტი, რომელიც აღწერილია ყურანში. ჰალალის პროდუქცია არის ის რომელიც აკმოყოფილებს შემდეგს:
1) პროდუქტი არ უნდა შეიცავდეს არცერთ ისეთ ინგრედიენტს რომლის მოხმარებაც აკრძალულია ისლამური კანონის მიხედვით.
2) წარმოება, დამზადება, გადამუშავება ან/და შენახვა, უნდა განხორციელდეს ისეთ ჭურჭელში ან ისეთი ტექნიკით, რომელიც გაწმენდილია ისლამური კანონის შესაბამისად.
USDA Organic
ნაციონალური ორგანული პროგრამა (ამერიკის მთავრობის მიერ განხორციელებული) ემსახურება პროდუქტის „ორგანულად“ მარკირებაზე. ორგანული სერტიფიცირება არის პროცესი იმ მწარმოებლებისათვის ვინც აწარმოებს ორგანულ და სხვა აგრიკულტურულ პროდუქტებს.
ზოგადად, ნებისმიერი ბიზნესი, რომელსაც პირდაპირი თუ ირიბი შეხება აქვს ორგანულ პროდუქტთან, შეიძლება იყოს სერტიფიცირებული, მათ შორის: თესლის მომწოდებლები, ფერმერები, პროდუქტის გადამამუშავლები, გადამყიდველები და რესტორნები.
მოთხოვნილებები განსხვავდება ქვეყნების მიხედვით, და ზოგადად მოიცავს წარმოების სტანდარტებს, როგორებიცაა: გაზრდა, შენახვა, პროცესები, შეფუთვა ტრანსპორტირება.
JAS
სერტიფიცირების ეს სისტემა დაინერგა 1950 წელს, იაპონიის მთავრობამ წარმოადგინა სტანდარტები ჯანსაღ აგრიკულტურულ ბოსტნეულზე და ოგანულ პროდუქტებზე.
JAS არის სისტემა, რომელიც არეგულირებს იმ აგრიკულტურული და ორგანული პროდუქტების, მოყვანის პროცესს და მარკირებას, რომლებიც იაპონიის ბაზრისთვის არის განკუთვნილი.
